നടക്കാത്ത കാര്യങ്ങൾ

'

പണ്ടാരോ പറഞ്ഞു നീളം വെക്കാൻ-
 തൂങ്ങാൻ തുടങ്ങിയതാണീ വവ്വാലുകൾ..

കണ്ഠശുദ്ധി വരുത്താൻ മൂളിപ്പാട്ടു-
 പാടാൻ തുടങ്ങിയതാണീ മൂങ്ങകൾ..

തീരത്തെ മണലിലെ മണ്ണു കളയാൻ എന്നോ-
 തിരകളാൽ കഴുകുന്നതാണീ.. കടൽ..

ചൂടു കുറയ്ക്കാൻ കടലിലെന്നോ-
 തുടങ്ങിയതാണീ സൂര്യന്റെ നീരാട്ട്‌..

മെലിയാൻ കാറ്റിലങ്ങോട്ടു-
മിങ്ങോട്ടുമിന്നും പായുന്ന മേഘങ്ങൾ..

ഒരിക്കലും നടക്കില്ലെന്നറിഞ്ഞിട്ടും നന്നാവാന്‍-
ശ്രമിച്ചുകൊണ്ടേയിരിക്കയാണീ ലോകമാനവരിന്നും..