വൃത്തികേടുകള്‍

'

മഞ്ഞുള്ള ആ പ്രഭാതത്തില്‍ അവന്‍ പുറത്തേക്കു മെല്ലെ തല നീട്ടി നോക്കി..

വഴിയില്‍ മൊത്തം എന്തൊക്കെയോ നിറഞ്ഞു കിടക്കുന്നു..

അതിലൂടെയൊക്കെ നടന്നാല്‍ ഉള്ള വൃത്തിയും പോകും..

വീടിന്റെ മുറ്റത്ത് തന്നെ ആരൊക്കെയോ പല പല "ജാതികള്‍ " തുപ്പി നിറച്ചിരിക്കുന്നു..

തൊട്ടപ്പുറത്ത് പെണ്കുഞ്ഞുങ്ങളുടെതെന്നു സംശയിക്കാവുന്ന ഭ്രൂണങ്ങള്‍ ..

കുറച്ചു മാറി ബലാല്‍സംഗത്തിനിടയില്‍ പൊഴിഞ്ഞു വീണ കന്യകാത്വങ്ങള്‍ ..

  ശുദ്ധ ജലം കിട്ടാതെ ഉണങ്ങി കരിഞ്ഞ ചില ജഡങ്ങള്‍ ..

വിണ്ടു കീറിയ ഭൂമി..

അതിനുമക്കരെ അവനെ മാടി വിളിക്കുന്ന ഒരു പറ്റം സുഖങ്ങള്‍ ..

വീടിന്റെ മൂലയില്‍ വെച്ചിരുന്ന..

ആവശ്യ ഘട്ടങ്ങളില്‍ മാത്രം മുഖത്ത്‌ അണിയാറുള്ള 

ഒരു തുള്ളി കണ്ണുനീര്‍ എടുത്തണിഞ്ഞു..

ഉറക്കെ ഉറക്കെ പരിതപിച്ചു..

സ്വയം കണ്ണടച് ഇരുട്ടാക്കി..

പിന്നെ കാലില്‍ പുതഞ്ഞ വൃത്തികേടുകള്‍ 

വക വെയ്കാതെ സുഖം തേടി മെല്ലെ മുന്നോട്ട്..

കുറ്റം പറയാന്‍ പറ്റില്ല.. 

അവനും ഈ സമൂഹത്തിന്‍റെ ഭാഗം മാത്രം