എന്നെ ഞാനാക്കിയ നീ..

'

എന്റെ കഥയിൽ നിറഞ്ഞ നിന്റെ കണ്ണുനീർ മായ്ചത്‌ എന്നിലെ ഇന്നലെകളെയായിരുന്നു..

ഇളംവിരലുകളാൽ മിഴികൾ തുവർത്തി നീ വീണ്ടുമൊരാവർത്തി കൂടി നോക്കി,

വെള്ളാരംകണ്ണിലെ നീലനീർത്തടത്തിനടിയിൽ എന്നിലെ ഇന്നിനെ ഞാൻ കണ്ടു,

തുളുമ്പാൻ വെമ്പിനിന്ന കണ്ണുകളിൽ നിന്നും സ്നേഹത്തിന്റെ ഉറവകളാ കൺപീലികളിൽ മുത്തു ചാർത്തി,

ആ പളുങ്കുമണികളിൽ ഞാനെന്റെ നാളെകളും, ഭാവിയും കണ്ടു..

വിരൽതുമ്പ്‌ വിരൽതുമ്പിൽ ഉരസിയനേരം നിന്നിൽ ഞാൻ എന്നെ കാണുകയായിരുന്നു..

എന്നെ ഞാനാക്കിയ നീയെന്റെ കണ്ണിലൊരുപിടി സ്നേഹക്കടലായ്‌ വിടരുന്നുണ്ടായിരുന്നു